Titolo	Brava kolombido
Kategorio	Simplaj legaĵoj kaj infanlibroj
Prezo	1.50 €, sesona rabato ekde 3 ekz.
Eldonloko, jaro	Pekino, 1984
Eldoninto	ĈEE
Klarigoj	Hana kaj ujgara fabeloj.
Kontribuantoj	Komp. Ĝan Tong
Formato	20 paĝoj, 21 cm
Karakterizoj	Kolorilus
Recenzoj	Bonvolu legi la recenzon pli malsupre	Aldonu

Atenton, "Brava kolombido" ne estas havebla!

---

Recenzo de Suso Moinhos

El la libroservo por vi - Brava kolombido

Fonto: Taĵo nia n-ro 2
Aldonita de Suso Moinhos (2019-09-27)

Jen eta juvelo por infanoj ĝis 6 jaroj: tradicia fabelo de Ĉinio kun mirinde belaj desegnoj. Tio estas tipa penso de plenkreskuloj, sed se ni demandus infanojn ni mirus, ke ankaŭ ili tre admiras la libron. En la kazo de mia nevo, ni ludis laŭ fragmentoj de la fabelo, dum ni refoje legis ĝin. Danke al la historio, li konatiĝis kun la ĉina kulturo laŭ amuza maniero, kaj samtempe aprecis la valoron de laboro kaj firmaj konvinkoj.

La libron kompletigas ujgura fabelo: “Pavo, kiu scipovas nur sin ornami”. En ĝi, multaj bestoj alparolas pavon, kiu ricevas lecionon pro sia orgojla sinteno.

Resume, ĉi tiu verketo, same kiel aliaj de la sama kolekto, estas havinda kiel eta trezoro inter la infanlibroj en la internacia lingvo, kaj krome ĝi havas tre konvenan prezon. Kion vi atendas por akiri ĝin?

 

Via opinio pri Brava kolombido