| Titolo | Alma
La mondo antaŭ la hejma sojlo | |
| Aŭtoro |
Mojiceja Bonte |
| Kategorio | Simplaj legaĵoj kaj infanlibroj |
| Prezo | 13.50 €, sesona rabato ekde 3 ekz. |
| Eldonloko, jaro | Celje / Ljubljano, 2021 |
| Eldoninto | Osrednja knjižnica Celje / E-Societo Ljubljana |
| Klarigoj | Kortuŝa rakonto pri mirinda virino - Alma Vilibalda Maximiliana Karlin - verkisto, mondvojaĝanto, poligloto. |
| Kontribuantoj | Ilustris Polona Kosec |
| Tradukisto, lingvo | M.N. Rožej / En Esperanton |
| ISBN/ISSN | 9789616557108 |
| Formato | 28 paĝoj, 29 cm |
| Karakterizoj | Bind. Kolorilus |
| Recenzoj | Bonvolu legi la recenzon pli malsupre
| Aldonu |
Recenzo de Maurizio 'Rico' Giacometto
Alma - La mondo antaŭ la hejma sojlo
Fonto: uea.facila
Reta ligilo al la originalo: https://uea.facila.org/artikoloj/libroservo/alma-la-mondo-anta%C5%AD-la-hejma-sojlo-r337/
Aldonita de Maurizio Giacometto (\"Rico\") (2025-02-04)
Alma - La mondo antaŭ la hejma sojlo Mojiceja Bonte, tradukis Marija Nikolaja Rožej, desegnaĵoj de Polona Kosec, Osrednja knjižnica Celje kaj Esperanto-Societo Ljubljano, Slovenujo, 2021. 28 paĝoj, 29 cm. ISBN 978-961-6557-10-8. Prezo 13.50 €.
Alma Ida Karlin (1889 - 1950) estis aŭstra-hungara kaj jugoslava verkistino, poeto, tradukisto kaj mondvojaĝanto. Eblas legi pli pri ŝi en nia artikolo La mirinda Alma Karlin.
Intereso pri Alma, precipe en ŝia hejmlando Slovenujo, multe kreskis lastatempe. Tial aperis pri ŝi multaj nove eldonitaj verkoj, gazetaj kaj retejaj artikoloj, kaj ankaŭ tiu ĉi belega libro.
Alma - La mondo antaŭ la hejma sojlo estas ĉarma, bunta kaj alloga bildrakonto. Ĝi priskribas la infanajn jarojn de Alma, kaj ankaŭ montras ŝiajn senfinan scivolemon kaj senbridan lernemon pri la plej diversaj fakoj, ekzemple pri lingvoj, historio, desegnado, muziko kaj natursciencoj.
Lingvoj kaj vojaĝado estis kernaj en ŝia vivo. La poezieca teksto kaj belaj ilustraĵoj trafe montras tion. Oni legas kiel Alma lernis plurajn lingvojn samtempe kaj revis pri vojaĝado. Ŝi deziris ekkoni “novajn landojn, interesajn homojn kaj iliajn morojn”.
Elstaraj desegnaĵoj de Polona Kosec akompanas la tekston. Eĉ en la internaj kovriloj oni povas admiri belajn bildojn, kiuj prezentas la mirindan vivon de Alma kaj ŝian tutmondan vojaĝon.
La libro estas bildrakonto, do unuavide ĝi aspektas kiel infanlibro. Tamen, ĝi estas multe pli ol tio: ĝi estas omaĝo al eksterordinara homo, kiu havis nekredeblajn entuziasmon kaj intereson pri nia mondo.
Lingve la libro estas taŭga por komencantoj kaj progresantoj. La teksto ne estas tro longa aŭ defia; tamen ĝi donas bonajn okazojn por eventuale lerni novajn vortojn aŭ por pli bone enkapigi tiujn antaŭe renkontitajn.
Sed mi esperas, ke la libro allogos ankaŭ pli spertajn parolantojn, ĉar tion certe meritas la nekutima, interesa kaj aventur-plena vivo de Alma Karlin.
Alma - La mondo antaŭ la hejma sojlo estas aĉetebla kontraŭ 13,50€ ĉe la libroservo de UEA.
Maurizio Giacometto ('Rico')
Via opinio pri Alma
