Titolo	Koreaj malnovaj rakontoj
Kategorio	Prozo tradukita / rakontoj
Prezo	6.90 €, sesona rabato ekde 3 ekz.
Eldonloko, jaro	Seulo, 1997
Eldoninto	KEA
Klarigoj	Kvin popularaj rakontoj morale instruaj.
Tradukisto, lingvo	Sung Ho Cho / Kompilis kaj el la korea
ISBN/ISSN	8987281000
Formato	96 paĝoj, 23 cm
Karakterizoj	Abunde ilustrita
Recenzoj	Bonvolu legi la recenzon pli malsupre	Aldonu

  ekz.

---

Recenzo de Janos Sarkőzi

Tre bela, kurioza, interesa

Fonto: Monato, marto 1998
Reta ligilo al la originalo: https://www.monato.be/1998/monato199803.pdf#page=18
Aldonita de Cho Sung Ho (2020-11-12)

Kvin rakontoj estas legeblaj en tiu ĉi libro, kiu jam per la kurioza bildo sur la titolpaĝo vekas scivolon. La rakontoj montras interesan mondon al legantoj, kiuj edukiĝis laŭ eŭropa kulturo. Eĉ la baza motivo de la rakontoj similas al tiu de eŭropaj fabeloj: Post danĝeroj, suferoj la bono estas savita, la malbono ricevas la meritan punon. Tamen la rakontitaj eventoj kaj la ilustraĵoj estas nekutimaj.
Skizo pri la enhavo de la rakontoj: Bela, bonkora knabino ofertas sian vivon por redoni la vidkapablon de sia patro. - Oferema edzina fideleco kaj ĝia rekompenco. - Perdo de feliĉo, akirita per trompo, tamen pro sincera pento la kulpo estis pardonita. - Kruela intrigo fare de novedzino kontraŭ la du filinoj de la antaŭa, mortinta edzino (Interesa klarigo pri la dua edziĝo de ilia patro: "rompi la familian linion sen viraj infanoj ŝajnis al li grava peko kontraŭ la prapatroj"). - Kiamaniere la leporo povas savi sian vivon per kuraĝo kaj saĝeco kontraŭ la drakoreĝo.
Sed troviĝas motivo, kiu estas konata ankaŭ en eŭropaj fabeloj: Revenadantaj spiritoj de mortintoj devas tuj malaperi, se aŭrore la koko krias.
La tradukinto uzis facile legeblan kaj kompreneblan lingvaĵon. La teksto estas presita eminente. La ilustraĵoj estas kuriozaj, bele desegnitaj kaj presitaj. En la fino estas klarigitaj la kelkaj uzitaj nekonataj vortoj. Tie oni trovas ankaŭ mallongan biografion pri la kompilinto kaj tradukinto de la rakontoj. Li meritas, ke oni konu lian nomon.

 

Via opinio pri Koreaj malnovaj rakontoj