| Titolo | Tri pri la tria Tri raportoj pri la tria alfabeto |  |
| Aŭtoro | André Albault, Jean Doublet | |
| Kategorio | Lingvistiko | |
| Prezo | 12.00 €, sesona rabato ekde 3 ekz. | |
| Eldonloko, jaro | Toulouse, 2001 | |
| Eldoninto | André Albault, Jean Doublet | |
| Klarigoj | Klarigoj pri Nova Help-Alfabeto. | |
| Formato | 104 paĝoj, 30 cm | |
| Karakterizoj | Kun resumoj en la angla, franca k japana | |
| Recenzoj | Bonvolu legi la recenzon pli malsupre | Aldonu |
Fonto: Revuo Esperanto, marto 2003
Aldonita de Andrej Grigorjevskij (2004-03-17)
Foje okazas, ke eminenta maljuna esperantisto obsediĝas pro detalo de nia lingvo, tiom ke tiuj, kiuj antaŭe respektis lin, povas nur skui la kapon en bedaŭro. Jen eksprezidanto de la Akademio de Esperanto volas konvinki nin, skribi y anstataŭ j.
Laŭ Albault kaj Doublet, vi konas jam du alfabetojn de Esperanto: la ordinaran, kaj tiun Fundamentan surogaton en kiu oni skribas ch, gh ktp anstataŭ la supersignitaj literoj. Ili volas rekomendi ankaŭ "trian alfabeton", la Novan Help- Alfabeton (NHA), en kiu ĉ ĵ ĥ ĵ ŝ ŭ fariĝas ch j kh zh sh u kaj la fundamenta j fariĝas y. Ĉi tiu broŝuro konsistas el tri raportoj, du al la Akademio de Esperanto kaj unu "preter la Akademio al la inteligentaj", plus aliaj dokumentoj diversoriginaj kaj diversdataj. Ĝi donas la impreson esti kunĵetita sen redaktado: abundas malglataĵoj, kaj nenie oni trovas unufrazan koncizigon de tio, kion la aŭtoroj rekomendas (kian mi metis ĉi-supre). La aŭtoroj pretendas, ke NHA komencas esti uzata en internet…. Ĉu vere?
Per Google mi serĉis en la Tut-Tera Teksaĵo la vortojn lingvoj kaj lingvoy. Mi trovis: lingvoj (= trad. ortografio) - 28600 dokumentojn lingvoy (= NHA) - 12 dokumentojn Jam ĉiu nova Windows-komputilo (almenaŭ en Eŭropo) estas ekipita per unikodaj tiparoj, en kiuj troviĝas niaj supersignitaj literoj. Milionoj da komputiluzantoj do disponas pri la supersignitaj literoj de la ĉeĥa, la pola, la hungara, la latva, kaj … Esperanto. Tiu malmulte konata iniciato de Microsoft okazis ne pro premo de esperantistoj, sed pro la komerca neceso internaciigi la komputprogramojn, por ke oni povu libere kombini diversajn lingvojn en la sama dokumento, en la sama tiparo. Flankefike, profitis Esperanto kaj malaperis la ĉefa argumento por NHA.
En la interreto NHA restas praktike neuzata. Oni aplikas aliajn provizorajn solvojn (^c, c^, c', CX) aŭ - ĉiam pli ofte - Unikodon, kiu ebligas al la esperantistoj resti ĉe sia tradicia ortografio, kiel ili prave preferas.
Via opinio pri Tri pri la tria