Titolo	Arne, la ĉefido Rakonto el la vikinga epoko
Aŭtoro	Leif Nordenstorm
Kategorio	Prozo originala / romanoj
Prezo	14.70 €, sesona rabato ekde 3 ekz.
Eldonloko, jaro	Dobřichovice, 2019 (3a eld)
Eldoninto	KAVA-PECH
Klarigoj	"Ĉarma rakonto pri la ĉiutaga vivo en vikinga vilaĝo en la 9-a jarcento" (Ĵ. Amis).
Kontribuantoj	Ilus. Pavel Rak
ISBN/ISSN	9788087169995
Formato	114 paĝoj, 21 cm
Karakterizoj	Kolorilus. Bind
Recenzoj	El la pagana kredo al la kristanismo de Zlatoje Martinov Seke pri vikinga knabo de Sten Johansson Simpatia romaneto de Jorge Camacho Legi de Ĵak Le Puil Rakonto kun humanisma mesaĝo de Baldur Ragnarsson Arne, la ĉefido de Ginette Martin Ĉarma rakonto pri la vivo en vikinga vilaĝo de Ĵenja Amis, Ukrainio/Usono Vikinga rakonto de Saliko [Raita Pyhälä] Pri la libro Arne, la ĉefido de Åke Ahlrén Bonvolu legi la recenzon pli malsupre Rakonto kun humanisma mesaĝo de Baldur Ragnarsson	Aldonu

  ekz.

---

Recenzo de Karlijn VAN DAMME

Kio estas sklavo kaj kiu estis Kristo

Fonto: Monato majo 2007/5
Reta ligilo al la originalo: http://www.esperanto.be/fel/2007/008628.php
Aldonita de Leif Nordenstorm (2007-05-08)

Arne la ĉefido estas eta libro de iom pli ol cent paĝoj pri la dekjara knabo Arne. La rakonto okazas dum la periodo de la vikingoj. Arne estas la filo de la ĉefo Björn. Ili loĝas en malgranda vilaĝo en Svedio ĉe golfeto, kie vivas liberaj homoj kun siaj sklavoj.
Arne lernis de sia patro, ke sklavoj devas labori kaj ke li ne rajtas ludi kun la sklavidoj. Li kutimis ludi kun Trumbe, sklavido, kiu estis samaĝa kiel li. Li obeas sian patron, sed ne bone komprenas, kial li ne rajtas amuziĝi kun Trumbe. Kiam li ekscias, ke ankaŭ liberaj homoj povas estiĝi sklavoj, li komencas pripensi, kiel estas ilia vivo. Lia amiko Gunnar, unu el la liberaj infanoj, tute ne okupiĝas pri tiaj aferoj.
Ankaŭ Kristo estas io, pri kio Arne multe pensas kaj demandas. Li rimarkas, ke multaj sklavoj kaj la fremduloj faras krucsignon sur la frunto, kaj li volas scii kial. Ĉi tiuj gravaj kaj seriozaj temoj estas miksitaj kun pli streĉaj partoj – ĉasado de alkoj, alveno de fremduloj, fuĝo pro piratoj ktp – tiel ke la rakonto certe neniam enuigas dum la legado.
La libreto taŭgas por sufiĉe junaj infanoj por laŭtlegi kaj por iom pli aĝaj, kiuj jam bone memstare legas. Kio estas sklavo kaj kiu estis Kristo estas bone klarigitaj, tiel ke ĉiu infano facile povas sekvi, pri kio temas. Ankaŭ la resto de la rakonto estas facile sekvebla kaj bone ellaborita, kaj la tuto estas bele verkita en facila lingvo.
La libro estas presita en malgranda formato kaj enhavas kelkajn nigra-blankajn, simple desegnitajn bildojn de Pavel Rak. Mi rekomendus al ĉiuj gepatroj aĉeti ĉi tiun libron por siaj infanoj, ĉar ĝi vere indas kaj estas tre amuza por legi.

 

Via opinio pri Arne, la ĉefido